Հայաստանի սպորտի եւ երիտասարդության հարցերի նախարարությունում Ռիո-2016 Օլիմպիական խաղերին մասնակցած հավաքականների գլխավոր մարզիչների կողմից ներկայացվող հաշվետվությունների լսումների հերթը հոկտեմբերի 21-ին հունահռոմեական ոճի ըմբշամարտինն էր:
Հաշվետվությամբ հանդես է եկել հավաքականի գլխավոր մարզիչ Լեւոն Ջուլֆալակյանը, որը ներկայացրել է հավաքականի մարզիկների համար նախապես՝ ըստ ժամանակացույցի, կազմակերպված նախապատրաստական աշխատանքները:
«Մենք պայքարում էինք 6 քաշային կարգերում վարկանիշ ձեռք բերելու համար, սակայն կարողացանք վարկանիշ ունենալ միայն 4 քաշային կարգերում՝ 66 կգ Միհրան Հարությունյանը, 75 կգ Արսեն Ջուլֆալակյանը, 85 կգ Մաքսիմ Մանուկյանը եւ 98 կգ Արթուր Ալեքսանյանը: Միհրանի եւ Արթուրի մասին չեմ խոսի: Արսենը, ումից մեդալ էինք սպասում, թույլ տվեց տակտիկական սխալ եւ դուրս մնաց հետագա պայքարից: Մաքսիմից նույնպես մեծ ակնկալիքներ ունեիք, բայց, ցավոք, դրանք նույնպես չարդարացան»,- ասել է գլխավոր մարզիչը:
Հաշվետվություններն ընդունող աշխատանքային խմբի ղեկավար, նախարարության աշխատակազմի սպորտի բարձրագույն նվաճումների քաղաքականության վարչության պետ Նարինե Շահբազյանը շնորհակալություն է հայտնել մարզչին կատարած աշխատանքի համար եւ շնորհավորելով օլիմպիական չեմպիոն ունենալու կապակցությամբ՝ նշել է, որ չնայած Լեւոն Ջուլֆալակյանը գոհ չէ իր բոլոր սաների մրցելույթներից, սակայն հավաքականի մասնակցությունը գնահատվում է լավ, հայտնում է նախարարության կայքը:
Հետևեք NEWS.am SPORT-ին Facebook-ում, Twitter և Telegram-ում
23:16 , 25 ապրիլի 
22:45 , 25 ապրիլի 
22:39 , 25 ապրիլի 
22:16 , 25 ապրիլի 
21:41 , 25 ապրիլի 
20:50 , 25 ապրիլի 
20:17 , 25 ապրիլի 
19:19 , 25 ապրիլի 
18:02 , 25 ապրիլի 
17:28 , 25 ապրիլի 
