Դորտմունդի «Բորուսիայի» գլխավոր մարզիչ Թոմաս Տուխելը խոսել է Չեմպիոնների լիգայի խմբային մրցաշարի երկրորդ տուրում Մադրիդի «Ռեալի» հետ ոչ ոքիի մասին:
«Իհարկե, ես գոհ եմ: Չափազանց բարդ էր այսպիսի թիմի դեմ խաղում 2 անգամ վերականգնել հաշվի հավասարությունը: Առաջին խաղակեսում լավ էինք խաղում եւ ունեցանք ավելի շատ գոլային պահեր, քան «Ռեալը»: Սակայն ընդմիցումից 5 րոպե հետո կորցրինք խաղի վերահսկումը: «Բորուսիան» ցուցադրեց մարտական ոգի եւ արժանի էր այս արդյունքին»,- մարզիչի խոսքը փոխանցում է ՈւԵՖԱ-ի կայքը:
Հիշեցնենք, որ Դորտմունդում կայացած խաղում «Բորուսիային» 87-րդ րոպեին պարտությունից փրկել էր փոխարինման դուրս եկած Անդրե Շյուրլեն: Գրանցվել էր 2:2 հաշիվը:
Հետևեք NEWS.am SPORT-ին Facebook-ում, Twitter և Telegram-ում