Անգլիայի առաջնության վեց խաղում վեց հաղթանակ տարած «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան վաղ է համարում խոսել իր ղեկավարած գերիշխանության մասին Պրեմյեր լիգայում:
«Դեռ չեմ մտածում, թե ինչպես կավարտենք մրցաշրջանը: Ամռանն անցկացրած ստուգողական հանդիպումներից հետո խնդիր դրեցինք դուրս գալ Չեմպիոնների լիգայի խմբային փուլ: Այժմ մտածում ենք միայն հաջորդ հանդիպման մասին: Այժմ կսկսենք պատրաստվել «Սելթիկի» դեմ Չեմպիոնների լիգայի խաղին, հետո էլ «Տոտենհեմի» հետ Անգլիայի առաջնության հանդիպմանը: Մեր գերիշխանության մասին խոսելը դեռ վաղ է:
«Մանչեսթեր Յունայթեդը», «Լիվերպուլը», «Տոտենհեմը», «Չելսին», «Արսենալն» ու «էվերտոնը» շատ ուժեղ մրցակիցներ են»,- Խոսեպ Գվարդիոլայի խոսքը մեջբերում է «Մանչեսթեր Սիթիի» մամուլի ծառայությունը:
Հիշեցնենք, որ Անգլիայի առաջնության 6-րդ տուրում «Մանչեսթեր Սիթին» հյուրընկալվելիս 3:1 հաշվով պարտության է մատնել «Սուոնսիին»:
Անգլիայի առաջնություն, 6-րդ տուր
«Սուոնսի» - «Մանչեսթեր Սիթի»՝ 1:3
Ֆերնանդո Լյորենտե, 13 – Սերխիո Ագուերո, 9, 65 (11մ), Ռահիմ Ստերլինգ, 77
Հետևեք NEWS.am SPORT-ին Facebook-ում, Twitter և Telegram-ում