Ֆուտբոլի Անգլիայի չեմպիոն «Լեսթերի» դանիացի դարպասապահ Կասպեր Շմեյխելի վիրահատությունը հաջող է անցել: Դանիայի ազգային հավաքականի ֆուտբոլիստը պատմել է, որ մտածում է Հայաստանի դեմ 2018թ. աշխարհի առաջնության ընտրական փուլի առաջին տուրի խաղի մասնակցելու մասին:
«Վիրահատությունը հաջող է անցել: Սկսում եմ վերականգվել: Կփորձեմ անել հնարավոր ամեն բան, որպեսզի շուտ վերադառնամ եւ մասնակցեմ Հայաստանի հավաքականի դեմ կիրակնօրյա խաղին»,- թվիթերյան էջում գրել է Շմեյխելը` տեղադրելով լուսանկար:
Դանիա - Հայաստան հանդիպումը տեղի կունենա սեպտեմբերի 4-ին Կոպենհագենում: Կասպեր Շմեյխելը Դանիայի հավաքականին չի օգնի Լիխտենշտեյնի դեմ ընկերական խաղում, որը կկայանա սեպտեմբերի 31-ին:
Հետևեք NEWS.am SPORT-ին Facebook-ում, Twitter և Telegram-ում