Հռոմի «Ռոմայի» գլխավոր մարզիչ Լուչանո Սպալետին իտալացի կիսապաշտպան Դանիելե Դե Ռոսիին զրկել է թիմի ավագի թեւկապից: Իտալացի մասնագետը նման որոշում է կայացրել Դե Ռոսիի՝ պորտուգալական «Պորտուի» դեմ Չեմպիոնների լիգայի որակավորման վերջին փուլի պատասխան խաղում ստացած կարմիր քարտի պատճառով:
«Դա բարդ իրավիճակ էր Դե Ռոսիի համար, սակայն նա հասկացավ: Նախ որոշմանս մասին հայտնեցի նրան, հետո՝ ամբողջ թիմին: Յուրաքանչյուր խաղացող պետք է հասկանա, որ սխալների համար պետք է պատասխան տալ»,- Սպալետիի խոսքը մեջբերում է Football Italia-ն:
«Կալյարիի» դեմ Իտալիայի առաջնության երկրորդ տուրի խաղում (2:2) «Ռոմայի» ավագի պարտականությունները կատարել է Ալեսանդրո Ֆլորենցին:
Հետևեք NEWS.am SPORT-ին Facebook-ում, Twitter և Telegram-ում