Իսպանիայի առաջնության երկրորդ տուրում «Սելտայի» նկատմամբ տարած հաղթանակից հետո Մադրիդի «Ռեալի» ֆրանսիացի գլխավոր մարզիչ Զինեդին Զիդանը հայտարարել է, որ կոլումբացի կիսապաշտպան Խամես Ռոդրիգեսը չի հեռանա թիմից:
«Խամես Ռոդրիգեսը հրաշալի մտավ խաղի մեջ եւ ակտիվացրեց այն: Նա կմնա ակումբում: «Սելտան» շատ լավ թիմ է: Կես ուժով խաղալով հնարավոր չէ հաղթել նրանց: Մենք պայքարեցինք մինչեւ վերջ եւ կարողացան հասնել հաղթանակի: Ուրախ եմ, որ վաստակեցինք երեք միավոր: Բոլոր փոփոխությունները խաղի ընթացքը փոխելու համար էին, եւ փոխարինողները կարողացան հասնել նպատակին»,- Զիդանի խոսքը մեջբերում է Marca-ն:
Հիշեցնենք, որ «Ռեալը» «Սելտային» հաղթել է 2:1 հաշվով:
Հետևեք NEWS.am SPORT-ին Facebook-ում, Twitter և Telegram-ում