Լոնդոնի «Արսենալի» գլխավոր մարզիչ Արսեն Վենգերը հայտնել է, որ թիմը ձեռք է բերել «Վալենսիայի» գերմանացի պաշտպան Շկոդրան Մուստաֆիին ու «Դեպորտիվոյի» իսպանացի հարձակվող Լուկաս Պերեսին:
«Մենք ձեռք ենք բերել Մուստաֆիին ու Պերեսին: Նրանք թիմին կմիանան առաջիկայում: Մենք ստիպված էինք երկար աշխատել այս տրանսֆերների ուղղությամբ: Այլ տրանսֆերային ծրագրեր չունենք այս պահին»,- Վենգերի խոսքը մեջբերում է Daily Mail-ը:
Հիշեցնենք, որ այս տրանսֆերային պատուհանի ժամանակ «Արսենալը» ձեռք է բերել շվեյցարացի կիսապաշտպան Գրանիտ Ջակային (45 միլիոն եվրո), ճապոնացի հարձակվող Տակումո Ասանոյին եւ անգլիացի պաշտպան Ռոբ Հոլդինգին (5 միլիոն եվրո):
Հետևեք NEWS.am SPORT-ին Facebook-ում, Twitter և Telegram-ում