Թուրքական «Բեշիկթաշը» համաձայնության է հասել անգլիական «Մանչեսթեր Սիթիի» հետ ֆրանսիացի կիսապաշտպան Սամիր Նասրիի մեկ տարվա վարձակալության մասին, հաղորդում է Fotomac-ը:
29-ամյա ֆուտբոլիստը օգոստոսի 26-ին կժամանի Ստամբուլ եւ պայմանագիր կկնքի «Բեշիկթաշի» հետ:
Սամիր Նասրիի ծառայություններով հետաքրքրված էին նաեւ «Ինտերը», «Միլանը», «Ռոման» եւ «Սպարտակը»:
Անցած մրցաշրջանում Նասրին մասնակցել է Անգլիայի Պրեմյեր լիգայի 12 հանդիպման, խփել է երկու գոլ, կատարել է նույնքան գոլային փոխանցում:
Հիշեցնենք, որ «Բեշիկթաշում» է հանդես գալիս նաեւ Հայաստանի հավաքականի կիսապաշտպան Արաս Օզբիլիսը:
Հետևեք NEWS.am SPORT-ին Facebook-ում, Twitter և Telegram-ում