International Champions Cup ընկերական մրցաշարի ասիական խմբում հանդիպել են անգլիական «Մանչեսթեր Սիթին» ու Դորտմունդի «Բորուսիան»: Չինաստանի Շենչժեն քաղաքում տեղի ունեցած խաղի հիմնական ժամանակում գրանցվել է ոչ ոքի՝ 1:1: Մինչեւ ավելացված ժամանակի 6-րդ րոպեն նվազագույն հաշվով հաղթում էր կատալոնացի Խոսեպ Գվարդիոլայի գլխավորած թիմը: «Մանչեսթեր Սիթիի» գոլը խփել էր արգենտինացի Սերխիո Ագուերոն Դավիդ Սիլվայի փոխանցումից հետո: Սակայն վերջին վայրկյանների Թոմաս Տուխելի գլխավորած թիմը Կրիստիան Պուլիշիչի գոլի շնորհիվ խուսափեց պարտությունից:
Նշանակվեց հետխաղյա 11 մետրանոցների հարվածաշար, որն ամբողջ իրացրեց «Մանչեսթեր Սիթին»՝ 6:5
Հիշեցնենք, որ նախորդ խաղում «Բորուսիան» 4:1 հաշվով հաղթել էր «Մանչեսթեր Յունայթեդին»:
International Champions Cup
«Բորուսիա Դորտմունդ» - «Մանչեսթեր Սիթի»՝ 1:1 (11մ՝ 5:6)
Կրիստիան Պուլիշիչ, 90+6 - Սերխիո Ագուերո, 79
Հետևեք NEWS.am SPORT-ին Facebook-ում, Twitter և Telegram-ում