Իսպանական «Վիլյառեալը» հաստատել է 26-ամյա բրազիլացի հարձակվող Ալեշանդրե Պատոյի տրանսֆերը: Կողմերը կնքել են չորս տարվա պայմանագիր:
Ալեշանդրե Պատոյի տրանսֆերային իրավունքը պատկանում էր բրազիլական «Կորինտիանսին»: Անցած մրցաշրջանի երկրորդ հատվածը Պատոն վարձավճարով անցկացրել է Լոնդոնի «Չելսիում»: Ոչ պաշտոնական տվյալներով իսպանական ակումբը ֆուտբոլիստի համար վճարել է 3 միլիոն եվրո:
2007-2013 թվականներին Պատոն հանդես է եկել իտալական «Միլանում», 2008 թվականից Բրազիլիայի հավաքականի խաղացող է:
Հետևեք NEWS.am SPORT-ին Facebook-ում, Twitter և Telegram-ում