Արգենտինացի հարձակվող Գոնսալո Իգուաինը «Նապոլիից» տեղափոխվել է Թուրինի «Յուվենտուս»: 28-ամյա ֆուտբոլիստը կնքել է հինգ տարվա պայմանագիրը, հաղորդում է «Յուվենտուսի» պաշտոնական կայքը: Տրանսֆերի գինը 90 միլիոն եվրո է, սակայն թուրինյան ակումբն այդ գումարը կվճարի երկու ֆինանսական տարում:
Իգուաինը դարձավ Իտալիայի առաջնությունների պատմության մեջ ամենաթանկ ֆուտբոլիստը: Նախորդ ռեկորդը պատկանում էր արգենտինացի Էրնան Կրեսպոյին, որի համար «Լացիոն» 2000 թվականին «Պարմային» վճարել էր 55 միլիոն եվրո:
Իտալիայի անցած առաջնության 35 խաղում Իգուաինը խփել է 36 գոլ:
Հետևեք NEWS.am SPORT-ին Facebook-ում, Twitter և Telegram-ում