Սերբիայում մարզումային հավաքը շարունակող Սարանսկի «Մորդովիան» ստուգողական հանդիպում է անցկացրել սերբական «Յավոր» թիմի հետ եւ պարտություն է կրել 1:2 հաշվով:
Ռուսական թիմի կազմում նորամուտն է նշել Հայաստանի հավաքականի հարձակվող Արթուր Սարկիսովը, որն անցկացրել է երկրորդ խաղակեսը: 29-ամյա ֆուտբոլիստը «Մորդովիա» է տեղափոխվել Նիժնի Նովգորոդի «Վոլգայից»:
Առաջին խաղակեսին մասնակցել են նաեւ «Մորդովիայի» նորեկներ Արմեն Համբարձումյանն ու Արթուր Մալոյանը:
Հետևեք NEWS.am SPORT-ին Facebook-ում, Twitter և Telegram-ում