Չի բացառվում, որ Արյեն Ռոբենին եւ Ֆրանկ Ռիբերիին առաջարկվեն նոր պայմանագրեր, հայտարարել է Մյունխենի «Բավարիայի» ղեկավար Կարլ-Հայնց Ռումենիգեն՝ խոսելով Գերմանիայի չեմպիոնների կազմում հոլանդացի եւ ֆրանսիացի կիսապաշտպանների ապագայի մասին:
«Մենք գիտենք, թե ինչքան կարեւոր են նրանք թիմի համար խաղադաշտում եւ հանդերձարանում: Բայց երկուսն էլ դեռ պետք է սպասեն պայմանագրերի երկարաձգմանը: Դա նորմալ է այն ֆուտբոլիստների համար, որոնք արդեն անցել են 30 տարեկանի սահմանը»,- Կարլ-Հայնց Ռումենիգեի խոսքը մեջբերում է Kicker-ը:
Ռոբենի եւ Ռիբերիի պայմանագրերը նախատեսված են մինչեւ 2017թ. հուլիս:
Հետևեք NEWS.am SPORT-ին Facebook-ում, Twitter և Telegram-ում