Բասկետբոլի ազգային ասոցիացիայի կիսաեզրափակիչի 5-րդ խաղում գործող չեմպիոն «Գոլդեն Սթեյտը» տանը 120:111 հաշվով հաղթեց «Օկլահոմային» եւ կրճատեց շարքի հաշիվը՝ 2:3:
Հանդիպման ամենաարդյունավետ բասկետբոլիստ ճանաչված Կեւին Դյուրանտն «Օկլահոմային» բերեց 40 միավոր, իսկ նրա ակումբակից Ռասել Ուեստբրուկը հավաքեց 31 միավոր: «Գոլդեն Սթեյտի» կազմում ամենաարդյունավետը Ստիվեն Կարին էր՝ 33 միավոր:
Օրվա միակ խաղից հետո NBA-ի մամուլի ծառայությունը ներկայացրել է լավագույն դրվագների հնգյակը, որը գլխավորում է Ստիվեն Կարիի հրաշալի փոխանցումից հետո Էնդրյու Բոգուտի նետումը:
NBA, կիսաեզրափակիչ
«Գոլդեն Սթեյտ» - «Օկլահոմա»՝ 120:111 (25:21, 33:29, 23:27, 39:34)
Շարքի հաշիվը՝ 2:3
Հետևեք NEWS.am SPORT-ին Facebook-ում, Twitter և Telegram-ում