Մադրիդի «Ռեալի» եւ Պորտուգալիայի հավաքականի հարձակվող Կրիշտիանու Ռոնալդուն կարծում է, որ Ժոզե Մոուրինյոն «Մանչեսթեր Յունայթեդին» կօգնի վերադառնալ նախկին մակարդակին:
«Կարծում եմ՝ դա լավ է «Մանչեսթեր Յունայթեդի» համար: Հուսով եմ, որ «Մանչեսթեր Յունայթեդը» կվերադառնա նախկին մակարդակին, քանի որ դա ֆանտաստիկ ակումբ է, որին վերջին տարիներին հետապնդում են անհաջողությունները:
Ինձ համար ցավալի է այս վիճակում տեսնել «Մանչեսթեր Յունայթեդին», որը միշտ կլինի իմ սրտում: Ժոզե Մոուրինյոյին մաղթում եմ թիմին վերադարձնել ֆավորիտների խումբ»,- ասել է Ռոնալդուն, որը մանչեսթերյան ակումբում հանդես է եկել 2003-2009-ը՝ 196 խաղում խփելով 84 գոլ, փոխանցում է MIRROR-ը:
Հիշեցնենք, որ «Մանչեսթեր Յունայթեդի» հոլանդացի գլխավոր մարզիչ Լուի վան Գալը հրաժարական է տվել, իսկ Ժոզե Մոուրինյոյի նշանակման մասին կհայտարարվի առաջիկայում:
Հետևեք NEWS.am SPORT-ին Facebook-ում, Twitter և Telegram-ում