23:22  ,  25 մայիսի, 2016

Լիոնել Մեսի. Գալով «Բարսելոնա»՝ թողեցի ամեն ինչ ու սկսեցի զրոյից

«Բարսելոնայի» եւ Արգենտինայի հավաքականի առաջատար Լիոնել Մեսին ցանկանում է կարիերայի ավարտին վերադառնալ հայրենիք։ Արգենտինայի Ռոսարիո քաղաքում ծնված Մեսին Իսպանիա է տեղափոխվել 13 տարեկանում։

«Ցանկանում եմ մի օր վերադառնալ հայրենիք, քանի որ իմ երկրից հեռացել եմ պատանեկան տարիքում։ Ես չհասցրեցի վայելել Ռոսարիոն, իմ քաղաքը, համաքաղաքացիներիս սերը։

«Բարսելոնա» տեղափոխվելս շատ բարդ էր։ Մի կողմից՝ հրաշալի ու անհավանական բան էր «Բարսելոնայում» խաղալը, բայց մյուս կողմից էլ՝ ես հրաժարվեցի գործնականում ամեն ինչից։ Թողեցի ընկերներիս, ընտանիքիս մեծ մասը, մանկությունս։ Ես եկա մի երկիր, որտեղ ոչինչ չունեի, սկսեցի գրեթե զրոյից»,- Մեսիի խոսքը մեջբերում է Goal.com-ը։

«Ոսկե գնդակի» հնգակի դափնեկիրը կատալոնական ակումբում է 2000 թվականից, 2003-ից հանդես է գալիս գլխավոր թիմում, նվաճել է թիմային 28 տիտղոս։ Իսպանիայի ութակի չեմպիոն է, քառակի գավաթակիր, վեցակի սուպերգավաթակիր, Չեմպիոնների լիգայի քառակի հաղթող, Եվրոպայի եռակի սուպերգավաթակիր, աշխարհի ակումբային առաջնության եռակի հաղթող։

Հետևեք NEWS.am SPORT-ին Facebook-ում, Twitter և Telegram-ում