18:42  ,  24 մայիսի, 2016

Հենրիխ Մխիթարյանը՝ Բունդեսլիգայի լավագույն խաղացող

Գերմանական Kicker-ը հարցում է անցկացրել Բունդեսլիգայի ֆուտբոլիստների շրջանում՝ Գերմանիայի ավարտված առաջնության լավագույն խաղացողին (առանց դարպասապահի) ընտրելու նպատակով:

235 ֆուտբոլիստների մասնակցությամբ հարցման արդյունքում, լավագույն ֆուտբոլիստ է ճանաչվել Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանը, որը հավաքել է ձայների 31.1 տոկոսը: Հաջորդ տեղերում են Մյունխենի «Բավարիայի» լեհ հարձակվող Ռոբերտ Լեւանդովսկին (22.1), գերմանացի կիսապաշտպան Թոմաս Մյուլերը(13.6), Դորտմունդի «Բորուսիայի» գաբոնցի հարձակվող Պյեր-Էմերիկ Օբամեյանգը (13.2), գրում է Transfermarkt-ը:

Անցած մրցաշրջանում Մխիթարյանը խփել է 23 գոլ, կատարել է 32 գոլային փոխանցում:

Հետևեք NEWS.am SPORT-ին Facebook-ում, Twitter և Telegram-ում