Դորտմունդի «Բորուսիայի» եւ Գերմանիայի հավաքականի կիսապաշտպան Իլկայ Գյունդոգանը ծնկի վնասվածք է ստացել ակումբային թիմի հերթական մարզման ժամանակ, հաղորդում է «Բորուսիայի» պաշտոնական կայքը՝ նշելով, որ ֆուտբոլիստը չի կարողանա մասնակցել նաեւ Եվրո-2016-ին։
25-ամյա ֆուտբոլիստի պայմանագիրը «Բորուսիայի» հետ նախատեսված է մինչեւ 2017 թվականը։ Մի շարք առաջատար ակումբներ ցանկանում են այս ամռանը գնել նրա տրանսֆերը։
Գերմանիայի ընթացիկ առաջնության 25 հանդիպումներում Գյունդոգանը դարձել է մեկ գոլի, երեք գոլային փոխանցման հեղինակ։
Հետևեք NEWS.am SPORT-ին Facebook-ում, Twitter և Telegram-ում