Անգլիայի նորընծա չեմպիոն «Լեսթերի» իտալացի գլխավոր մարզիչ Կլաուդիո Ռանյերին ընթացիկ առաջնության նախավերջին տուրում «Էվերտոնի» դեմ հանդիպման նախախաղային ասուլիսում մեկնաբանել է հաղթական մրցաշրջանը:
«Ես վայելում եմ այս մրցաշրջանը: Հենց սկզբից առանձնահատուկ զգացում ունեի, բայց իհարկե, երբեք չէի հավատում, որ կհաղթենք Անգլիայի առաջնությունում: Այս հաղթանակի համար բոլորը շատ աշխատել են: Այս մրցաշրջանը գերազանց թեստ էր նաեւ ինձ համար:
Մեր չեմպիոնության պատվին իտալացի օպերային երգիչ Անդրեա Բոչելիի ելույթը «Էվերտոնի» դեմ տնային խաղից առաջ իմ եւ նրա նախաձեռնությունն է: Մեկ ամիս առաջ Անդրեան զանգեց ինձ եւ իր ուրախությունն արտահայտեց: Նա ցանկություն հայտնեց մի երգով հանդես գալ մեր ստադիոնում: Ես այդ նախաձեռնության մասին հայտնեցի ակումբի ղեկավարությանը, եւ նրանք ամեն ինչ կազմակերպեցին:
Այս շաբաթ թիմը լավ մարզվել է, եւ մենք պատրաստ ենք «Էվերտոնի» դեմ կարեւոր հանդիպմանը»,- Ռանյերիի խոսքը մեջբերում է «Լեսթերի» պաշտոնական կայքը:
Անգլիայի առաջնության 37-րդ տուրի «Լեսթեր» - «Էվերտոն» հանդիպումը տեղի կունենա մայիսի 7-ին եւ կմեկնարկի Երեւանի ժամանակով 20:30-ին:
Հետևեք NEWS.am SPORT-ին Facebook-ում, Twitter և Telegram-ում
20:02 , 20 ապրիլի 
19:17 , 20 ապրիլի 
18:18 , 20 ապրիլի 
17:57 , 20 ապրիլի 
17:22 , 20 ապրիլի 
16:21 , 20 ապրիլի 
15:16 , 20 ապրիլի 
14:20 , 20 ապրիլի 
13:11 , 20 ապրիլի 
12:10 , 20 ապրիլի 
