Ֆուտբոլի Հայաստանի ազգային հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանն ակնկալում է ամերիկահայերի աջակցությունը Լոս Անջելեսում կայանալիք ընկերական հանդիպումների ժամանակ:
«Ողջույն, հայեր: Անհամբերությամբ սպասում եմ այս ամսվա վերջում Լոս Անջելեսում կայանալիք երկու ընկերական հանդիպումներին: Վստահ եմ, որ երկու խաղերում էլ կունենանք հզոր աջակցություն: Կհանդիպենք Լոս Անջելեսում»,- ֆեյսբուքյան էջում գրել է Հենրիխ Մխիթարյանը, որը հրավեր է ստացել ազգային հավաքականից ԱՄՆ-ում կայանալիք մարզումային հավաքին եւ երկու խաղերին մասնակցելու համար:
Մայիսի 28-ին Հայաստանի հավաքականը կմրցի Գվատեմալայի, հունիսի 1-ին՝ Սալվադորի թիմի հետ:
Հետևեք NEWS.am SPORT-ին Facebook-ում, Twitter և Telegram-ում