Երեւանի «Բանանցը» նվաճեց ֆուտբոլի Հայաստանի գավաթը: Երեւանի Վազգեն Սարգսյանի անվան «Հանրապետական» ստադիոնում տեղի ունեցած եզրափակիչում «Բանանցը» իսպանացի Տիտո Ռամալյոյի գլխավորությամբ մրցեց Երեւանի «Միկայի» հետ, որի գլխավոր մարզիչն է ռուսաստանցի Սերգեյ Յուրանը:
Հանդիպման հաշիվն արդեն 3-րդ րոպեին բացեց «Բանանցից» Լաերսիո Կոստան, որը դիպուկ իրացրեց Ացամազ Բուրաեւի վաստակած 11 մետրանոցը: 38-րդ րոպեին արդեն Բուրաեւը դարձավ գոլի հեղինակ՝ կրկնապատկելով հաշիվը:
«Բանանցը» դարձավ Հայաստանի եռակի գավաթակիր եւ նվաճեց Եվրոպայի լիգայում հանդես գալու իրավունք: Նախորդ անգամ «Բանանցը» տիտղոսը նվաճել էր 2007 թվականին:
Հայաստան Գավաթ, եզրափակիչ
«Միկա» - «Բանանց»՝ 0:2
Լաերսիո Կոստա, 3, 11մ, Ացամազ Բուրաեւ, 38
Հետևեք NEWS.am SPORT-ին Facebook-ում, Twitter և Telegram-ում