«Լիվերպուլի» գերմանացի գլխավոր մարզիչ Յուրգեն Կլոպը մեկնաբանել է իսպանական «Վիլյառեալից» կրած նվազագույն հաշվով պարտությունը Եվրոպայի լիգայի կիսաեզրափակիչի առաջին խաղում:
«Իհարկե, դժգոհ եմ վերջին պահին բաց թողած գոլից: Սակայն դա միայն առաջին խաղն էր, եւ հաշիվը միայն 1:0 է: Հիմա նրանք պետք է գան «Էնֆիլդ», իսկ մենք գիտենք, թե որքան ուժեղ ենք տնային ստադիոնում:
Մեր դիմակայությունը դեռ չի ավարտվել: Մեր խաղադաշտում կլինի բոլորովին այլ խաղ»,- գերմանացի մասնագետի խոսքը մեջբերում է ВВС-ն:
Հիշեցնենք, որ «Լիվերպուլի» ու «Վիլյառեալի» միջեւ պատասխան խաղը կկայանա մայիսի 5-ին Անգլիայում:
Հետևեք NEWS.am SPORT-ին Facebook-ում, Twitter և Telegram-ում