Յարոսլավլի «Շիննիկի» կիսապաշտպան Արսեն Հայրապետյանը «Լուչ Էներգիայի» դեմ Ռուսաստանի առաջին լիգայի 33-րդ տուրի խաղում առաջին անգամ հանդես է եկել մեկնարկային կազմում եւ փոխարինվել 81-րդ րոպեին: Հանդիպումից հետո 19-ամյա ֆուտբոլիստը կիսվել է տպավորություններով:
«Լուչ Էներգիայի» դեմ խաղում անհանգստանում էի: Ամեն դեպքում, առաջին խաղն էր մեկնարկային կազմում, կար մեծ պատասխանատվություն: Փորձեցի օգտվել իմ շանսից եւ դրսեւորել լավագույն որակներս: Առաջին լիգայից դուրս մնալը մեր ծրագրերի մեջ չի մտնում: Նույնիսկ չենք ցանկանում մտածել այդ մասին: Ամեն բան մեր ձեռքում է»,- Արսեն Հայրապետյանի խոսքը մեջբերում է yarsport-ը:
Այս մրցաշրջանում Հայրապետյանը 2 գոլ է խփել Ռուսաստանի առաջին լիգայում:
Հետևեք NEWS.am SPORT-ին Facebook-ում, Twitter և Telegram-ում