«Վալենսիան» իսպանական Պրիմերայում առաջին հաղթանակը տարավ թիմի նորանշանակ գլխավոր մարզիչ Գարի Նեւիլի գլխավորությամբ: Դա տեղի ունեցավ 24-րդ տուրում, որում վալենսիացիները տանը 2:1 հաշվով կամային հաղթանակ տարան կատալոնական «Էսպանյոլի» նկատմամբ:
Հաշիվը երկրորդ խաղակեսի սկզբնամասում բացեցին հյուրերը, իսկ 72-րդ րոպեին փոխարինման դուրս եկած իսպանացի հարձակվող Ալվարո Նեգրեդոն հավասարեցրեց հաշիվը: Տանտերերի հաղթական գոլն էլ 4 րոպե անց խփեց վերջերս Մադրիդի «Ռեալից» տեղափոխված ռուս կիսապաշտպան Դենիս Չերիշեւը:
«Վալենսիան» հավաքեց 28 միավոր եւ բարձրացավ 11-րդ տեղ: Իսպանիայի առաջնությունում վալենսիացիները նախորդ անգամ հաղթել էին 2015-ի նոյեմբերի 7-ին:
Իսպանիայի առաջնություն, 24-րդ տուր
«Վալենսիա» - «Էսպանյոլ»՝ 2:1
Ալվարո Նեգրեդո, 72, Դենիս Չերիշեւ, 76 – Օսկար Դուարտե, 52
«Վիլյառեալ» - «Մալագա»՝ 1:0
Ռոբերտո Սոլդադո, 18
Հետևեք NEWS.am SPORT-ին Facebook-ում, Twitter և Telegram-ում