Վորոնեժի «Ֆակելի» ռուս կիսապաշտպան Օլեգ Սամսոնովը պատմել է, որ Հայաստանի հավաքականի հարձակվող Յուրա Մովսիսյանը «Կրասնոդարում» հանդես գալու տարիներին կոնֆլիկտ է ունեցել թիմի գլխավոր մարզիչ Սլավոլյուբ Մուսլինի հետ:
«Մովսիսյանը բարի, ազնիվ ու պարզ տղա է, որն ունի հիանալի տվյալներ: Յուրային պետք է մարզիչ, որը նրան ազատություն կտա խաղադաշտում: Տարբեր սխեմաների մեջ նա կարող է կորել, ինչպես «Սպարտակում»: Մուսլինը կոնֆլիկտ ուներ Յուրայի հետ»,- «Կրասնոդարի» նախկին ֆուտբոլիստի խոսքը մեջբերում է «Սպորտ Էքսպրեսը»:
Հիշեցնենք, որ Յուրա Մովսիսյանը «Կրասնոդարում» խաղացել է 2011-2012-ը, իսկ վերջերս տեղափոխվել էր ամերիկյան «Ռեալ Սոլթ Լեյք»:
Հետևեք NEWS.am SPORT-ին Facebook-ում, Twitter և Telegram-ում