18-ամյա կիսապաշտպան Արկադի Թումանյանը պայմանագիր է կնքել Օդեսսայի «Չեռնոմորեցի» հետ:
«Շատ եմ հավանում «Չեռնոմորեցը»: Ակումբն ունի լավ ենթակառուցվածք, մարզաբազա, կոլեկտիվ, որն անմիջապես ընդունեց ինձ: Ցանկանում էի խաղալ 9 համարով, բայց զաբղված էր: Վերցրեցի ծննդյանս տարեթիվը՝ 98:
Գործակալս եղբայրս է: Նա առաջարկեց մի քանի տարբերակներ, բայց ես ցանկացա խաղալ «Չեռնոմորեցում»: Կնքեցի կարիերայիս առաջին պրոֆեսիոնալ պայմանագիրը: Այն նախատեսված է 1.5 տարով:
Ուկրաինան իմ զարգացման համար լավագույն տեղն է: «Չեռնոմորեցը» շատ հեռանկարային ակումբ է, որտեղ խաղում են հավաքականների ներկայացուցիչներ: Հույս ունեմ արդարացնել մարզիչների սպասելիքները:
Կապրեմ մարզաբազայում: Դեռ շատ երիտասարդ եմ եւ ամբողջ ժամանակս կտրամադրեմ մարզումներին: Այստեղ շատ լավ պայմաններ են»,- Թումանյանի խոսքը մեջբերում է «Չեռնոմորեցի» պաշտոնական կայքը:
Արկադի Թումանյանը Խարկովի ֆուտբոլի մարզադպրոցի սան է:
Հետևեք NEWS.am SPORT-ին Facebook-ում, Twitter և Telegram-ում