Կատալոնական «Բարսելոնան», ֆուտբոլի Իսպանիայի գավաթի խաղարկության կիսաեզրափակիչի պատասխան խաղում ոչ ոքի խաղալով «Վալենսիայի» հետ, սահմանել է անպարտելի շարքի ակումբային ռեկորդ, հայտնում է Marca-ն:
Դա Լուիս Էնրիկեի թիմի 29-րդ անընդմեջ խաղն էր առանց պարտության: Նախորդ ռեկորդը «Բարսելոնան» սահմանել էր այժմ Մյունխենի «Բավարիայում» աշխատող Խոսեպ Գվարդիոլայի օրոք՝ ունենալով 28-խաղյա անպարտելի շարք:
Հիշեցնենք, որ Վալենսիայում «Բարսելոնան» պարտությունից խուսափել էր վերջնամասում, իսկ առաջին խաղում հաղթել էր 7:0 հաշվով եւ դուրս է եկել եզրափակիչ:
Հետևեք NEWS.am SPORT-ին Facebook-ում, Twitter և Telegram-ում