Դորտմունդի «Բորուսիան» եւ Բեռլինի «Հերտան» խաղաղությամբ բաժանվեցին ֆուտբոլի Գերմանիայի առաջնության 20-րդ տուրում: Բեռլինում գրանցվեց 0:0 հաշիվը:
Հայաստանի հավաքականի կիսապաշտպան Հենրիխ Մխիթարյանը հյուրերի մեկնարկային կազմում էր, իսկ առաջին խաղակեսն անցավ հավասար պայքարում եւ ավարտվեց 0:0 հաշվով: «Բորուսիայի» մոտ ոչինչ չէր ստացվում առջեւի գծում, իսկ բեռլինցիներն աչքի էին ընկնում վստահ պաշտպանությամբ: Երկրորդ խաղակեսում դորտմունդցիներն ավելի ակտիվ էին եւ ունեին խաղային նկատելի առավելություն, բայց գոլային պահեր ստեղծել չէր հաջողվում: Հենրիխ Մխիթարյանը խաղաց առանց փոխարինման:
Թոմաս Տուխելի թիմն ունի 45 միավոր ու պահպանում է 10 միավորի առավելությունը երրորդ տեղում գտնվող «Հերտայի» նկատմամբ: Առաջատար Մյունխենի «Բավարիան» հավաքել է 52 միավոր եւ մեկ խաղ էլ պակաս է անցկացրել:
Գերմանիայի առաջնություն, 20-րդ տուր
«Հերտա» - «Բորուսիա Դ.»՝ 0:0
«Այնտրախտ Ֆ.» - «Շտուտգարտ»՝ 2:4
Ալեքսանդր Մեյեր, 52, Սաբոլչ Հուստի, 90 – Կրիստիան Գենտներ, 29, Դանիել Դիդավի, 45, Գեորգ Նիդերմեյեր, 65, Ֆիլիպ Կոստիչ, 67 (11մ)
Հեռացումներ՝ Կարլոս Զամբրանո, 76 – Դանիել Դիդավի, 67
«Հանովեր» - «Մայնց»՝ 0:1
Ջաիրո, 24
«Ինգոլշտադտ» - «Աուգսբուրգ»՝ 2:1
Մարվին Մատիպ, 59, Մորից Հարտման, 58 (11մ) – Կոստաս Ստաֆիլիդիս, 14
«Շալկե» - «Վոլֆսբուրգ»՝ 3:0
Կլաս-Յան Հունտելար, 24, Յոհանես Գեյս, 35, Ալեսանդրո Սչոֆ, 87
Հետևեք NEWS.am SPORT-ին Facebook-ում, Twitter և Telegram-ում