Դորտմունդի «Բորուսիայի» գլխավոր մարզիչ Թոմաս Տուխելն անդրադարձել է ռուսական «Կրասնոդարի» դեմ Եվրոպայի լիգայի 5-րդ տուրի խաղին:
«Շատ ուրախ ենք Կրասնոդարում լինելու համար: Գիտեինք, թե ուր ենք ուղեւորվում: Այստեղ եղանակը հիանալի է, սակայն քիչ ժամանակ ունենք ինչ-որ տեղ գնալու համար: Լինելու է բարդ խաղ ու անշլագ: Հանդիպելու ենք ուժեղ ու խաղակցված մրցակցի դեմ, այդ պատճառով չենք կարող խաղադաշտ դուրս գալ առանց կենտրոնացվածության:
Օբամեյանգին որոշեցինք թողնել Դորտմունդում, քանի որ նա ուներ մկանային խնդիրներ: Կագավան եւս մնացել է նույն խնդիրների պատճառով: Մենք շատ լուրջ ենք տրամադրված այս հանդիպմանը եւ խաղալու ենք միայն հաղթանակի համար, որպեսզի փլեյ-օֆֆ դուրս գանք առաջին տեղով: Ոչ ոքին նույնպես ձեռնտու է մեզ, սակայն կձգտենք միայն հաղթանակի: Շատ կարեւոր է նաեւ անցկացնել լավ հանդիպում»,- մարզիչի խոսքը մեջբերում է «Սպորտ Էքսպրեսը»:
Հիշեցնենք, որ նոյեմբերի 26-ին Կրասնոդարում կայանալիք հանդիպումը կմեկնարկի Երեւանի ժամանակով 20:00-ին: Գերմանական ակումբն արդեն ապահովել է փլեյ-օֆֆի ուղեգիր:
Հետևեք NEWS.am SPORT-ին Facebook-ում, Twitter և Telegram-ում