Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամի եւ տիտղոսի հավակնորդ, բրիտանացի Մարտին Մարեյի առաջիկա մենամարտում բուքմեյքերներն առավելությունը տալիս են հայ բռնցքամարտիկին:
Գերմանիայի Հանովեր քաղաքում կայանալիք մենամարտում Արթուր Աբրահամի հաղթանակի գործակիցը 1.65 է, Մարտին Մարեյինը՝ 2.15: Ոչ ոքիի հավանականությունը ստացել է 17.00 գործակիցը:
Հանովերում տեղի է ունեցել բռնցքամարտիկիների կշռման պաշտոնական արարողությունը: Աբրահամի անձնական քաշը 76,2 կգ է, Մարեյինը՝ 75,4 կգ:
Աբրահամ - Մարեյ մենամարտը տեղի կունենա նոյեմբերի 22-ին, Երեւանի ժամանակով 2:40-ին:
Հետևեք NEWS.am SPORT-ին Facebook-ում, Twitter և Telegram-ում