Մյունխենի «Բավարիայի» եւ Գերմանիայի հավաքականի նախկին կիսապաշտպան Շտեֆան Էֆենբերգը նշանակվել է գերմանական «Պադերբորնի» գլխավոր մարզիչ: Նրա պայմանագիրը նախատեսված է մինչեւ 2017թ. հունիսի 30-ը: Էֆենբերգը փոխարինել է Մարկուս Գելհաուսին: 47-ամյա Էֆենբերգը չունի մարզչական փորձ: Նա ֆուտբոլային փորձագետ էր գերմանական հեռուստատեսությունում:
Բունդեսլիգայից դուրս մնացած «Պադերբորն» այժմ երկրորդ լիգայի 10 տուրից հետո զբաղեցնում է 15-րդ տեղը:
Էֆենբերգը «Բավարիայի» հետ դարձել է Գերմանիայի չեմպիոն, գավաթակիր, Չեմպիոնների լիգայի գավաթակիր, Գերմանիայի հավաքականում նվաճել է 1992թ. Եվրոպայի փոխչեմպիոնի կոչումը, ֆուտբոլիստի կարիերան ավարտել է 2004-ին:
Հետևեք NEWS.am SPORT-ին Facebook-ում, Twitter և Telegram-ում