Ֆուտբոլի միջազգային ֆեդերացիայի (ՖԻՖԱ) էթիկայի հանձնաժողովը մի քանի պաշտոնյաների զրկվել է լիազորություններից:
ՖԻՖԱ-ի նախագահ Յոզեֆ Բլատերից հետո, 90 օր ժամկետով լիազորություններից զրկվել են նաեւ ՖԻՖԱ-ի փոխնախագահ Միշել Պլատինին (ՈւԵՖԱ-ի նախագահ) եւ ՖԻՖԱ-ի գլխավոր քարտուղար Ժերոմ Վալկեն: Անհրաժեշտության դեպքում այդ ժամկետը կարող է երկարաձգվել եւս 45 օրով, հաղորդում է ՖԻՖԱ-ի կայքը:
ՖԻՖԱ-ի նախկին փոխնախագահ Չոն Մոնջունը 6 տարով զրկվել է ֆուտբոլային գործունեություն ծավալելու իրավունքից եւ կվճարի 100 հազար շվեյցարական ֆրանկ տուգանք:
Հիշեցնենք, որ Շվեյցարիայի իրավապահ մարմինները քրեական գործ են հարուցել Բլատերի նկատմամբ՝ նրան կասկածելով ֆինանսական միջոցների յուրացման եւ հանցավոր անփութության մեջ: 79-ամյա շվեյցարացուն կասկածում են նաեւ 2011թ. փետրվարին ՈւԵՖԱ-ի նախագահ Միշել Պլատինիին 2 միլիոն շվեյցարական ֆրանկ կաշառք տալու մեջ:
Հետևեք NEWS.am SPORT-ին Facebook-ում, Twitter և Telegram-ում
09:05 , 16 ապրիլի 
01:00 , 16 ապրիլի 
00:44 , 16 ապրիլի 
23:26 , 15 ապրիլի 
22:22 , 15 ապրիլի 
21:39 , 15 ապրիլի 
21:09 , 15 ապրիլի 
20:38 , 15 ապրիլի 
19:42 , 15 ապրիլի 
19:09 , 15 ապրիլի 
