Դորտմունդի «Բորուսիայի» նախկին գլխավոր մարզիչ Յուրգեն Կլոպը պատրաստ է գլխավորել «Լիվերպուլը», եթե անգլիական ակումբի ղեկավարությունը տրանսֆերային քաղաքականության իրավունքը վերապահի իրեն, հաղորդում է dailymail-ը:
Գերմանացի մասնագետը ցանկանում է լիարժեք վերահսկողության ունենալ ֆուտբոլիստների ընտրության հարցում: «Լիվերպուլը» պատրաստ է առաջարկել երեք տարվա պայմանագիր:
Սակայն գերմանական մամուլի տվյալներով, Յուրգեն Կլոպը չի ընդհատի ստեղծագործական արձակուրդը եւ կսպասի Մյունխենի «Բավարիայից» Խոսեպ Գվարդիոլայի հեռանալուն: Կատալոնացի մասնագետը չի շտապում երկարաձգել պայմանագիրը «Բավարիայի» հետ, մյունխենյան ակումբն էլ հետաքրքրված է Կլոպի ծառայություններով:
Հիշեցնենք, որ հոկտեմբերի 4-ին «Լիվերպուլը» պաշտոնապես հայտարարել է Բրենդան Ռոջերսին հեռացնելու մասին: Պատճառը թիմի անհաջող ելույթներն են ընթացիկ մրցաշրջանում: Հոկտեմբերի 4-ին «Լիվերպուլը» 1:1 հաշվով էր ավարտել «Էվերտոնի» դեմ դերբին եւ Պրեմյեր լիգայի 8-րդ տուրից հետո տարել է ընդամենը 3 հաղթանակ եւ 12 միավորով 10-րդ տեղում է:
Հետևեք NEWS.am SPORT-ին Facebook-ում, Twitter և Telegram-ում