Ֆուտբոլի Ֆրանսիայի առաջնության 9-րդ տուրում առաջատար ՊՍԺ-ն Փարիզում 2:1 հաշվով հաղթեց «Մարսելին»: Հաշիվը բացեցին մարսելցիները, սակայն ՊՍԺ-ն մինչեւ ընդմիջման գնալը խփեց 2 գոլ: Առաջին խաղակեսի վերջնամասում 2 անգամ 11 մետրանոց հարվածն անվրեպ իրացրեց շվեդ հարձակվող Զլատան Իբրահիմովիչը: «Մարսելը» կարող էր խուսափել պարտությունից, եթե 55-րդ րոպեին հյուրերի մարոկկացի կիսապաշտպան Աբդելազիզ Բարադան անվրեպ իրացներ 11 մետրանոց հարվածը:
Հայաստանի հավաքականի պաշտպան Գաել Անդոնյանի անունը բացակայում էր մարսելցիների հայտացուցակից:
ՊՍԺ-ն ունի 23 միավոր եւ 5 միավոր առաջ անցավ 2-3-րդ տեղերը բաժանող «Անժեից» ու «Կանից»: «Մարսելը» 5-րդ պարտությունը կրեց ընթացիկ առաջնությունում եւ 8 միավորով մնաց 16-րդ տեղում:
Ֆրանսիայի առաջնություն, 9-րդ տուր
ՊՍԺ - «Մարսել»՝ 2:1
Զլատան Իբրահիմովիչ, 41 (11մ), 44 (11մ) – Միչու Բաչուայ, 30
Չիրացված 11 մետրանոց՝ Աբդելազիզ Բարադա, 55 («Մարսել»)
Հետևեք NEWS.am SPORT-ին Facebook-ում, Twitter և Telegram-ում