Հայաստանը ներկայացնող Սմբատ Մարգարյանը արծաթե մեդալակիր է դարձել Լիտվայի Կլայպեդա քաղաքում մեկնարկած ծանրամարտի Եվրոպայի մինչեւ 23 տարեկանների առաջնությունում:
56 կգ քաշային Մարգարյանը երկամարտում գրանցել է 241 կգ (102+139)՝ գրավելով երկրորդ տեղը: Պոկում վարժությունում հայ ծանրորդը ցուցադրեց 5-րդ արդյունքը, իսկ հրում վարժությունում նվաճեց փոքր ոսկե մեդալ:
Եվրոպայի մինչեւ 23 տարեկանների առաջնությունում Հայաստանից հանդես է գալու նաեւ 94 կգ քաշային Միքայել Միքայելյանը:
Հետևեք NEWS.am SPORT-ին Facebook-ում, Twitter և Telegram-ում