Սերբիայի հավաքականի խաղացողներ, Լոնդոնի «Չելսիի» պաշտպան Բրանիսլավ Իվանովիչն ու անգլիական «Մանչեսթեր Սիթիի» պաշտպան Ալեքսանդր Կոլարովը Հայաստանի դեմ Եվրոպայի առաջնության ընտրական խաղում կարեւորում են արդյունքի հոգեբանական նշանակությունը, հաղորդում է novosti.rs-ը:
«Սերբիայի հավաքականի դիրքը մրցաշարային աղյուսակում ազդում է ֆուտբոլիստների վրա: Հայաստանի նկատմամբ հաղթանակը շատ կարեւոր կլինի եւ որոշակիորեն կլավացնի իրավիճակը: Ավելի բարձր արդյունքի հասնելուն մեզ խանգարեցին բազմաթիվ սխալներն ու վնասվածքները»,- նշել է Իվանովիչը:
«Հաղթանակը Հայաստանի հավաքականի հետ խաղում կօգնի մեզ դարձյալ ձեռք բերել վստահություն»,- ասել է Կոլարովը:
Սերբիա - Հայաստան հանդիպումը տեղի կունենա սեպտեմբերի 4-ին եւ կմեկնարկի Երեւանի ժամանակով 22:45-ին:
Հետևեք NEWS.am SPORT-ին Facebook-ում, Twitter և Telegram-ում