Ստամբուլի «Գալաթասարայը» չի հասցրել գրանցել Դորտմունդի «Բորուսիայի» գերմանացի կիսապաշտպան Կեւին Գրոսկրոյցին, որը թուրքական ակումբին միացել էր ամառային տրանսֆերային պատուհանի վերջին օրը՝ օգոստոսի 31-ին:
Թուրքական կողմը գերմանացու տրանսֆերը գրանցել է 48 վայրկյան ուշացումով: «Գալաթասարայը» բողոք է ներկայացրել ՖԻՖԱ-ին, որն անցկացրել է հետաքննություն եւ պարզել, որ փաստաթղթերը չեն ուղարկվել ժամանակին, հայտնում է sporx.com-ը:
Այսպիսով, Գրոսկրոյցը կվերադառնա Դորտմունդի «Բորուսիա», քանի որ չի կարող «Գալաթասարայում» հանդես գալ մինչեւ հաջորդ տրանսֆերային պատուհանը, որը կբացվի ձմռանը: Նրա պայմանագիրը գերմանական ակումբի հետ ավարտվում է 2016-ի հունվարին:
Հետևեք NEWS.am SPORT-ին Facebook-ում, Twitter և Telegram-ում