Անգլիական «Մանչեսթեր Յունայթեդի» կիսապաշտպան Ադնան Յանուզայը մոտ է Դորտմունդի «Բորուսիան» համալրելուն, հաղորդում է Sky Sports-ը։ Կողմերը բանակցում են մեկ տարվա վարձակալության պայմանագրի շուրջ։
Ավելի վաղ, Յանուզայը հայտարարել էր, որ ցանկանում է ամրապնդվել «Մանչեսթեր Յունայթեդի» մեկնարկային կազմում եւ մտադիր չէ հեռանալ անգլիական թիմից։
20-ամյա Յանուզայը երկու հանդիպում է անցկացրել Անգլիայի ընթացիկ առաջնությունում, երկուսն էլ՝ մեկնարկային կազմում։ Բելգիացի ֆուտբոլիստը խփել է մեկ գնդակ։
Տրանսֆերային պատուհանը փակվում է սեպտեմբերի 1-ին։
Հետևեք NEWS.am SPORT-ին Facebook-ում, Twitter և Telegram-ում