«Մանչեսթեր Յունայթեդը» շարունակում է նոր հարձակվողի փնտրտուքները:
RMC Sport-ի համաձայն՝ Լուի վան Գալի թիմի ուշադրության կենտրոնում հայտնվել է «Մոնակոյի» ֆրանսիացի հարձակվող Անտոնի Մարտիալը, որին ձեռք բերելու համար անգլիական ակումբը հայտնել է 50 միլիոն եվրո վճարելու պատրաստակամություն: 19-ամյա ֆուտբոլիստի ծառայություններով հետաքրքրված է նաեւ «Բարսելոնան»: Այս ամռանը ֆրանսիացին մինչեւ 2020-ը երկարաձգել էր «Մոնակոյի» հետ պայմանագիրը:
Ֆրանսիայի նախորդ առաջնությունում Մարտիալը խփել է 9 գոլ: Նա 2013-ին «Լիոնից» է տեղափոխվել «Մոնակո»:
Հետևեք NEWS.am SPORT-ին Facebook-ում, Twitter և Telegram-ում