Մոսկվայի «Սպարտակի» գլխավոր մարզիչ Դմիտրի Ալենիչեւը Ռուսաստանի առաջնության 7-րդ տուրում Մախաչկալայի «Անժիից» կրած պարտությունից հետո անդրադարձել է նաեւ Հայաստանի հավաքականի հարձակվող Յուրա Մովսիսյանին ու թիմի նորեկ Զե Լուիշին:
«Իհարկե, հարցեր ունեմ մեր հարձակվողներին, քանի որ ոչ Մովսիսյանը, ոչ Զե Լուիշը գոլ չխփեցին այսօր: Չնայած երկուսն էլ ունեցան գոլային պահեր: Յուրան կարող էր հաշիվը բացել առաջին րոպեին, սակայն գլխի հարվածով գոլ խփել չհաջողվեց: Զե Լուիշն էլ լավ հարված կատարեց առաջին խաղակեսի վերջնամասում, բայց Պեսյակովը հետ մղեց գնդակը»,- մարզիչի խոսքը մեջբերում է «Սպարտակի» կայքը:
Հիշեցնենք, որ «Անժիի» դեմ խաղում Յուրա Մովսիսյանը մեկնարկային կազմում խաղացել էր 72-րդ րոպե, Հայաստանի հավաքականի կիսապաշտպան Արաս Օզբիլիսը մնացել էր «Սպարտակի» փոխարինողների թվում:
Հետևեք NEWS.am SPORT-ին Facebook-ում, Twitter և Telegram-ում