Ֆուտբոլի Հայաստանի առաջնությունում օգոստոսի 29-ին անցկացվեցին 5-րդ տուրի 2 խաղեր, ինչպես նաեւ տեղի ունեցավ առաջատարի փոփոխություն: «Արարատն» Ավանի ֆուտբոլային ակադեմիայում 1:2 հաշվով պարտվեց «Ալաշկերտին», իսկ Գյումրիի «Շիրակը» 1:1 հաշվով ավարտեց Երեւանի «Բանանցի» դեմ տնային խաղը: Գյումրեցիների կազմում նորամուտը գոլով նշեց կոտդիվուարցի 19-ամյա հարձակվող Կոնան Օդիլոն Կուակուն:
Այս հաղթանակի շնորհիվ «Ալաշկերտը» շրջանցեց «Շիրակին» եւ 11 միավորով բարձրացավ առաջին տեղ: Գյումրեցիները 10 միավորով երկրորդն են:
Հայաստանի առաջնություն, 5-րդ տուր
«Արարատ» - «Ալաշկերտ»՝ 1:2
Զավեն Բուլուտ, 36 – Միհրան Մանասյան, 36, Հեբեր Արաուխո, 50 (11մ)
«Շիրակ» - «Բանանց»՝ 1:1
Կոնան Օդիլոն Կուակու, 33 – Լարեսիո Գոմես Կոստա, 88 (11մ)
Հետևեք NEWS.am SPORT-ին Facebook-ում, Twitter և Telegram-ում