Հայաստանի հավաքականը տհաճ մրցակից է, որից միշտ էլ դժվար է միավոր խլելը, ասել է Սերբիայի հավաքականի գլխավոր մարզիչ Ռադովան Չուրչիչը՝ խոելով Եվրոպայի առաջնության ընտրական մրցաշարում Սերբիայի շանսերի մասին։
«Քանի որ զրկվել ենք Եվրո-2016-ի ուղեգիր նվաճելու հնարավորությունից, կսկսենք պատրաստվել 2018թ. աշխարհի առաջնության ընտրական խաղերին։ Առաջիկա հանդիպումներում հաղթանակները վստահություն կհաղորդեն մեզ։
Դատարկ տրիբունաներով հանդիպումները սպեցիֆիկ են։ Պետք է հարմարվենք դրան։ Մենք գիտենք, որ Հայաստանից միավոր կորզելը բարդ է։ Մեզ համար շատ կարեւոր կլինի հաղթանակը հայերի նկատմամբ»,- Չուրչիչի խոսքը մեջբերում է novosti.rs-ը։
Սերբիա - Հայաստան ընտրական հանդիպումը տեղի կունենա սեպտեմբերի 4-ին Նովի Սադում։
Հետևեք NEWS.am SPORT-ին Facebook-ում, Twitter և Telegram-ում