Հայաստանի սպորտի եւ երիտասարդության հարցերի նախարար Գաբրիել Ղազարյանն ընդունել է մարաթոնյան վազքի միջազգային ֆեդերացիայի (ՄՎՄՖ) նախագահության խորհրդի անդամ Բրունո Բակոբզային, որը Հայաստանում է գտնվում ընթացիկ տարվա հոկտեմբերի 3-ին Երեւանում միջազգային մարաթոնյան վազքի անցկացման աշխատանքները կազմակերպելու համար:
Նախարարը հավաստիացրել, որ թե́ Սպորտի եւ երիտասարդության հարցերի նախարարության, թե́ Երեւանի քաղաքապետարանի եւ թե́ Հայաստանի աթլետիկայի ֆեդերացիան կանեն առավելագույնը երեւանյան մարաթոնը պատշաճ մակարդակով կազմակերպելու համար:
«Հոկտեմբերի 3-ին կայանալիք վազքը կիսամարաթոն է` 21,1 կմ երկարությամբ, որն անցնելու է Երեւանի փողոցներով, ինչը իրավամբ ֆիզկուլտուրայի եւ սպորտի ամենամասսայական քարոզչության ձեւերից մեկը կարելի է համարել»,- նշել է նախարարը:
Գաբրիել Ղազարյանը նաեւ շնորհակալություն է հայտնել հյուրին ուղեկցող Հայաստանի աթլետիկայի ֆեդերացիայի նախագահ Ռոբերտ Էմմիյանին` վազքի կազմակերպման ուղղությամբ նրա կողմից իրականացված մեծ աշխատանքի համար:
Բրունո Բակոբզան անձամբ ուսումնասիրել է վազքուղին, որի ասֆալտածածկը լիովին համապատասխանում է միջազգային ստանդարտներին: Հյուրը նաեւ տեղեկացրել է, որ ակնկալվում է շուրջ մեկ տասնյակ երկրների ներկայացուցիչների մասնակցությունը երեւանյան վազքին:
Հետևեք NEWS.am SPORT-ին Facebook-ում, Twitter և Telegram-ում
01:39 , 24 ապրիլի 
01:01 , 24 ապրիլի 
00:54 , 24 ապրիլի 
23:09 , 23 ապրիլի 
22:35 , 23 ապրիլի 
22:11 , 23 ապրիլի 
21:39 , 23 ապրիլի 
20:56 , 23 ապրիլի 
20:33 , 23 ապրիլի 
20:02 , 23 ապրիլի 
