«Մանչեսթեր Սիթին» սկսել է բանակցել գերմանական «Վոլֆսբուրգի» բելգիացի կիսապաշտպան Կեւին Դե Բրույնեի տրանսֆերի հարցով՝ սկսելով 40 միլիոն ֆունտ ստերլինգի առաջարկից։
«Մանչեսթեր Սիթիի» մարզական տնօրեն Չիկի Բեգիրիսթայնը Լոնդոնում հանդիպել է «Վոլֆսբուրգի» ներկայացուցիչների եւ ֆուտբոլիստի գործակալ Կեւին Դե Կոստերի հետ, հաղորդում է The Telegraph-ը։ Կողմերը մոտ են համաձայնության։
«Մանչեսթեր Սիթին» արդեն բարելավել է տրանսֆերային ռեկորդը՝ Ռահիմ Ստերլինգի համար «Լիվերպուլին» վճարելով 49 միլիոն ֆունտ ստերլինգ։ 24-ամյա Դե Բրույնեի համար «Սիթին» կարող է ավելի շատ վճարել՝ առաջարկելով շաբաթական 180 հազար ֆունտ ստերլինգ աշխատավարձ եւ հինգ տարվա պայմանագիր։
Հետևեք NEWS.am SPORT-ին Facebook-ում, Twitter և Telegram-ում