Մադրիդի «Ռեալը» մոտ է Թուրինի «Յուվենտուսի» եւ Չիլիի հավաքականի կիսապաշտպան Արտուրո Վիդալին ձեռք բերելուն:
La Tercera-ի համաձայն՝ Արքայական ակումբը 28-ամյա ֆուտբոլիստի հետ պայմանավորվել է 5 տարվա պայմանագիր կնքելու մասին: Այդ մասին հայտնել են Վիդալի գործակալն ու բարեկամները:
Չիլիացու տրանֆերով շահագրգռված է «Ռեալի» նորանշանակ գլխավոր մարզիչ Ռաֆայել Բենիտեսը:
Այս օրերին Արտուրո Վիդալը մասնակցում է Չիլիում ընթացող Ամերիկայի գավաթի 44-րդ խաղարկությանը, որի եզրափակիչում Չիլիի հավաքականը հուլիսի 4-ին մրցելու է արգենտինացիների հետ:
Հետևեք NEWS.am SPORT-ին Facebook-ում, Twitter և Telegram-ում