Մադրիդի «Ռեալի» ղեկավարությունը հույս ունի, որ գլխավոր մարզիչ Ռաֆայել Բենիտեսը կկարողանա համոզել պաշտպան Սերխիո Ռամոսին մնալ Արքայական թիմում:
Բենիտեսը մտադիր է զրուցել Իսպանիայի հավաքականի ֆուտբոլիստի հետ եւ հայտնել նրան, որ իր ծրագրերում թիմի երկրորդ ավագին հատկացված է լուրջ դերակատարություն, քանի որ Ռամոսին համարում է թիմի իսկական առաջատար, եւ այդպիսի ֆուտբոլիստի կորուստը ծանր հետեւանքներ կունենա, գրում է Marca-ն:
Ռամոսին գնելու լուրջ մտադրություն ունի «Մանչեսթեր Յունայթեդը», որը պատրաստ է հինգ տարվա համար նրան վճարել 55 միլիոն եվրո:
Հետևեք NEWS.am SPORT-ին Facebook-ում, Twitter և Telegram-ում