Հայաստանի հավաքականի կիսապաշտպան Հենրիխ Մխիթարյանը Դորտմունդի «Բորուսիայի» կազմում առաջին մարզումն է անցկացրել Թոմաս Տուխելի գլխավորությամբ: Այդ մասին Մխիթարյանը գրել է ֆեյսբուքյան էջում՝ տեղադրելով գերմանացի մասնագետի հետ լուսանկար:
«Գնացինք: Այսօր առաջին մարզումն է մեր նոր մարզիչի հետ»,- գրել է 26-ամյա ֆուտբոլիստը:
Հիշեցնենք, որ հունիսի 29-ին Մխիթարյանն արձակուրդից հետո նաեւ բուժզննում էր անցել «Բորուսիայի» կազմում: 2008-ից մինչեւ այս մրցաշրջանի ավարտը «Բորուսիան» գլխավորում էր գերմանացի մասնագետ Յուրգեն Կլոպը, ում փոխարինեց Թոմաս Տուխելը: 2008-ին գերմանացի մարզիչը Կլոպին փոխարինել էր նաեւ գերմանական «Մայնցում»:
Հետևեք NEWS.am SPORT-ին Facebook-ում, Twitter և Telegram-ում