2016-2017թթ. մրցաշրջանի Չեմպիոնների լիգայի եզրափակիչը կընդունի Կարդիֆի «Միլենիում» ստադիոնը, հաղորդում է ՈւԵՖԱ-ի կայքը:
«Միլենիում» ստադիոնում 2014-ին անցկացվել է Եվրոպայի Սուպերգավաթի հանդիպումը՝ «Ռեալի» եւ «Սեւիլիայի» մասնակցությամբ: 2:0 հաշվով հաղթել է Արքայական ակումբը:
Հիշեցնենք, որ հաջորդ տարի Չեմպիոնների լիգայի եզրափակիչը տեղի կունենա Միլանի «Սան Սիրո» ստադիոնում:
2016-2017թթ. Եվրոպայի լիգայի եզրափակիչ հանդիպումը կանցկացվի Ստոկհոլմում, իսկ Եվրոպայի Սուպերգավաթի խաղը՝ Սկոպյեում:
Հաջորդ մրցաշրջանում Եվրոպայի լիգայի եզրափակիչը Բազելում է: Եվրոպայի սուպերգավաթը օգոստոսին Թբիլիսիում կվիճարկեն «Բարսելոնան» եւ «Սեւիլիան», իսկ հաջորդ տարի Սուպերգավաթը տեղի կունենա Տրոնհեյմում:
Հետևեք NEWS.am SPORT-ին Facebook-ում, Twitter և Telegram-ում