Եվրոպայի լիգա. Հայաստանի թիմերի հանդիպումների մրցավարները

ՈւԵՖԱ-ի պաշտոնական կայքը հրապարակել է հայկական թիմերի մասնակցությամբ Եվրոպայի լիգայի որակավորման առաջին փուլի առաջին հանդիպումների մրցավարների անունները:

Հուլիսի 2-ին Գյումրիում կայանալիք «Շիրակ» - «Զրինսկի» (Բոսնիա եւ Հերցեգովիա) հանդիպումը կսպասարկի Հունաստանի մրցավարական խումբը՝ Հարալամբոս Կալոգերոպուլոսի գլխավորությամբ: Հանդիպման մեկնարկը 17:30-ին է:

Հուլիսի  2-ին Երեւանի Վազգեն Սարգսյանի «Հանրապետական» ստադիոնում կայանալիք «Ալաշկերտ» - «Սենթ Ջոնսթոն» (Շոտլանդիա) հանդիպման մրցավարները կլինեն Դանիայից: Գլխավոր մրցավարն է Յակոբ Կեհլեթը: Խաղի սկիզբը 19:00-ին է:

Հուլիսի 2-ին Մալթայում անցկացվելիք «Բիրկիրկարա» (Մալթա) - «Ուլիս» խաղի գլխավոր մրցավարը կլինի իսրայելցի Էրեզ Պապիրը:

Պատասխան հանդիպումները հուլիսի 9-ին են:

Հետևեք NEWS.am SPORT-ին Facebook-ում, Twitter և Telegram-ում