Յոզեֆ Բլատերը վերընտրվեց ՖԻՖԱ-ի նախագահի պաշտոնում (ֆոտոշարք)

Յոզեֆ Բլատերը վերընտրվեց Ֆուտբոլի միջազգային ֆեդերացիայի նախագահի պաշտոնում եւ առաջիկա 4 տարիներին եւս կղեկավարի ՖԻՖԱ-ն:

Ցյուրիխում մայիսի 29-ին կայացած ՖԻՖԱ-ի նախագահական ընտրություններում 79-ամյա շվեյցարացին հաղթեց իր միակ մրցակից, Հորդանանի արքայազն Ալի բին Ալ-Հուսեյնին, ով հրաժարվել է մասնակցել քվեարկության երկրորդ փուլին:

Առաջին փուլում Բլատերը հավաքել է 133 ձայն, իսկ 39-ամյա Ալին՝ 73: Յոզեֆ Բլատերը 5-րդ անգամ ընտրվեց ՖԻՖԱ-ի նախագահ: Նա 1998-ից է գլխավորում այդ կազմակերպությունը:

ՖԻՖԱ-ի նախագահական ընտրությունները փակ են: ՖԻՖԱ-ի անդամ յուրաքանչյուր ասոցիացիա տալիս է մեկ ձայն: Եվրոպան ունի 53 ձայն, Կենտրոնական Ամերիկան, Հյուսիային Ամերկան ու Կարիբյան երկրները՝ 35-ական, Աֆրիկան՝ 54, Ասիան՝ 46, Հարավային Ամերիկան՝ 10, իսկ Օկեանիան՝ 11:

Հիշեցնենք, որ մայիսի 27-ին ՖԻՖԱ-ի 14 պաշտոնյաներ կոռուպցիայի կասկածանքով ձերբակալվել էին Ցյուրիխում: Այդ սկանդալից հետո ՈւԵՖԱ-ի ղեկավար Միշել Պլատինին հայտարարել էր, որ եթե Բլատերը վերընտրվի, ՈւԵՖԱ-ն կարող է խզել կապերը ՖԻՖԱ-ի հետ: 

Հետևեք NEWS.am SPORT-ին Facebook-ում, Twitter և Telegram-ում